Susuzan Id Boos Kadazan Kokomoi do Tinau Kadazan




Susuzan id Boos Kadazan diti monusuzan kokomoi do tinaú Kadazan, boos om kointutunan diohó, koubasanan om lahan diohó mamaamasi. Kivaa nogí baagizan komozon do piipio boos Kadazan ii nopihí do maan potouhuzó mazá internet toí hivang cyber (saibo) (cyberspace).

Nunu ii Osusui
Hobi poguhu, susuzan id Boos Kadazan diti papaazat nunu ii maan pohombusó mazá hivang cyber, miaga ditia ngaaví:

Nookuo Tú Kivaa Susuzan Id Boos Kadazan
Aiso kasantaban, aú ii agampot ii tuddu do kinoizonon-lumun (KadazanHomeland) nung aiso no osusui id boos kozo kokomoi tinaú Kadazan. Aú otopot doid kohizaban do popotuddu do potitikid tuhun Kadazan doid kopomuginavaan diohó do tuhun sondii om doid kopintamangan do ningkokoton diohó sabaagi do mogiigizon kumoisó kozo doid taná pinosumpakan do Koibutan Borneo (toi North Borneo, ka doid boos Onggilis (English).

Noikot No Timpu Papavakas Toihaan Boos Kadazan
Okudi nodii tuhun Kadazan ii bohungkitas doid boos Kadazan do notootodis. Kogumuan diohó nokotuo nodii kozo. Ii nopo bohungkitas kozo id Boos Kadazan om susuzan kokomoi tuhun Kadazan ngá aino no dii do baino.

Okudí kozo o komuhakan, kusai om tondú, do kalatí om kaanu moboos tokuudí id boos Kadazan. Ogumu nodii kozo ii aú babaabanal kalatí om kaanu moboos do boos Kadazan.

Sabap no diti do noikot nodii ii timpu do tumoboi do moboos id boos Kadazan, noikot no timpu do mositi mimpaagat o komuhakan om tangaanak tinaú Kadazan do minsingiho do boos Kadazan. Tiinú do tinaú Kadazan id hongon ngaavi diohó.

Datí do id timpu do kohimpupuson no kozo o tinaú Kadazan do kivaa kosivatan manahob do nuununu nopo ii popomungkang do kointutunan diohó sabaagi do tuhun Kadazan. Komungkangan doid boos tinaú sondii no o iso di tagazo no kozo mantad diho.

Kivaa tanong toomod (legend) do natagak, ka, do komohoingan Kadazan ii Kalatas pinosuatan do boos Kadazan ii pinataak do Minamangun tú aiso taká toi strateji disido songian huminozog di pouhiai disido. Kaanu isó kopongia-an mantad do tanong toomod diti.

Sabaagi puu tuhun Kadazan ii guminavo do tinaú sondii, ihiai no ii kaantakan do atagakan o tinaú Kadazan do Suat Kointutunan do kumoinduvo. Uhá no do naantakan do INSAN!

Kahasá Naku do Guminavo do Tinaú Sondií?
Otopot do kivaa do totondos mantad vookon tuhun, do aú kavasá do oindamaan do mimang pidan sabaagi isó tinaú, ka. (Racialism / Racism) "Mamaamasok zikoi do vinoun" ka diohó.

Nung soizukon kozo, aiso í kahasáan do guminavo do tinaú sondií om do totootopot mamaamasi sabaagi songuhun mantad do puu tinaú dii. Nunu ii kahasá ngá do abaazatan do tinaú suvai om monguntazag, mogundoonok, mongudok om popoimamang tinaú ngaaví suvai toí iisai noopo tuhun suvai mantad do tinaú Kadazan. Iho no ii aú kotunud.

Nunú ii otopot ngá itia: Potitikid tinaú id vinoun mogium lahan papapantod kointutunan tinaú sondii. Intangai tokou tinau tuhun topuak. Otopot do opuak o kuhit dioho ngá kivaa ngaan tinaú dioho do toisó-isó.

Sabaagi songuhun Kadazan ii guminavo do tinaú sondii, aiso í kahasáan do mongumohig ko do kointutunan nu sabaagi do Kadazan. Om sabap no do apantod o kointutunan nu sabaagi Kadazan do kaanu ko monongkiboos om misalasai miampai tinaú suvai miampai do aadang om otuhid. Kivaa do kotumbazaan om kahansanan nu doid diau sondii.

Nung avakas ko sabaagi songuhun Kadazan, kaanu ko do monongkiihang do toihaan nu montok kobuu-on songavian tuhun doid kinoizonon toí id pogun do aiso koo-o-osi om piduvaan ginavo nu.

Uangan Susuzan id Boos Kadazan Tumanud Timpu

Susuzan id Boos Kadazan aú opupusan do doiti.

O-uangan o susuzan diti tumanud do kaantakan id taatangá do tinaú Kadazan tumanud do kobuzuon timpu, om nunu ii aantakan doid pohiihiput diohó, id kakampungan, id pogun om id vinoun ii aú tumood do mimang ohon.






Definition Section

Kadazan: The largest grouping of native people in Sabah, Malaysia. The place where they live is on the northern part of the island of Borneo.
Tinaú: Race
Boos: Words. Language
Tuhun: Person. People
Susuzan: Narrative. Story
Diohó: Theirs
Sabaagi: As
Kointutunan: Identity
Kivaa: Exist
Aiso: None
Sondii: Self
Timpu: Time
Page: Bahikan. Upah
Kokomoi: About
Nunu: What
Kaanu: Can. Able
Mantad: From
Otopot: True
Ngá: But
Guminavo: Love
Suvai: Other
Toí: Or
Nung: If
Noikot: Reached. Very
Moboos: Say
Vinoun: World
Songuhun: A person
Tumanud: Follow
Home: Hamin
History: Susuzan Totopot
Baagizan: Section. Give a portion
Privacy: Kopisosondii-an. Aiso suvai kavasa koiho toi kokito.
Koubasanan: Culture
Lahan: Way. Path. Road
Mamaamasi: Live
Komozon: Meaning
Piipio: Many
Maan: Do. Carry out
Mazá: Through. Via
Hivang: Space. Width
Osusui: Narrated
Ngaaví: All. Denotes number that is more than one.
Komohoingan: Ancestors
Mogium: Seek. Look for
Atagak: Lost
Kotumbazaan: Belief. Faith
Vookon: Some of
Kohizaban: Wish
Potitikid: Every
Borneo: The third largest island in the world found in South East Asia
Toihaan: Knowledge
Bohungkitas: Expert. Experienced
Komuhakan: Youth
Kalatí: Understand
Sabap: Reason
Tanong: Tale. Story
Toomod: Mere
Disido: His
Isó: One
Puu: Member
Kaantakan: Event. Happening
Kahasá: Wrong
Sondií: Self
Mimang: Want
Kahasáan: Mistake. Error
Dioho: Theirs
Miampai: With
Pogun: Country

These words are in the order they appear on this "Susuzan id Boos Kadazan" web page.


KadazanHomeland Tweets

Disclaimer
Privacy Policy

To Home Page