Mantad Yunnan Taki-Aki
Tuhun Kadazan, Ka!



Kivaa piipio tuhun, Kadazan om nogi ii okonko Kadazan, do moboos do mantad Yunnan, ka, o komohoingan do tuhun Kadazan. Kivaa naku do katapatan diti?

Nomboo o Yunnan om nookuo tu a-ait o Yunnan
Yunnan nopo nga id Pogun Sina, ponong id kabaatan. Moboos zioho do boos do Sina. Nga kivaa ma do pisuvazan do boos dioho tumanud do "kaum" toi tinimungan tinau tongonini.

Moboos o Kadazan do boos Kadazan ii osodu toomod o pisuvazan do mantad boos Sina. Dadi nunu nodii o impoon do tuhun do moboos do mantad do Yunnan o komohoingan do tuhun Kadazan?

Noihaan do di ontok nopo do natusan ngoibu toun di poguhu osogit kozo o vinoun. Agazo baagizan do vaig daat do nadadi do ais. Songian nopo do huminasu o pomogunan, minimang tunou vookon do ais diti om nakaahom o vaig daat.

Nga poguhu diho ogumu tinimungan do tuhun mantad tana tahaab (continent) ii noihaan do pogun Sina baino do minundahiu (suminangkat) pinakaazan kumaa kinoizonon tosodu, kogumuan kumaa ponong kabaatan (southwards-bound). Vookon tinimungan diti nokoikot doid Kabaatan Koihisaon Asia (South East Asia) om minogiigizon do doiho.

Kikotumbazaan do vookon tinimungan diti nokodimpot doid kinoizonon ii pungaanan do Koibutan Borneo (North Borneo) do baino. Om poingamung dioho o komohoingan do tinau Kadazan.


Tanda-tanda, ka, ii okito do mantad Yunnan o Kadazan

Kivaa do okito, ka, do kotulunan do tuhun Yunnan o tuhun Kadazan. Nunu iti?

Iso nopo mantad dii nga basaan, hoohobi ii basaan do koubasanan, ka. Ii nopo kokiikitanai nga basaan dioho kopiaga gaung moludu do Kadazan. Kivaa nogi do koi-ing, ka.

Noboos nogi do lahan do tuhun Kadazan do moobuvat paai (mongumo)  miipiaga lahan do tuhun Yunnan. Momoguno zioho do kalabau. Ladu nga miipiaga.

Sazau po nga miipiaga, ka do vookon ii hobi koiho do ahal diti. Tou! Avasi do soizukon kozo poguhu do toimoon sabaagi do otopot. Ingkaa no mooi do au kasavang doid nunu ii au otopot.

Mantad Mongolia?
Kivaa nogi boos do mantad Pogun Mongolia o komohoingan Kadazan. Pogun toning do Pogun Sina o Pogun Mongolia. Nokoiho toi nakabasa ko dati kokomoi di Kublai Khan om Genghiz Khan. Kizaa do Sina o tinau Mongolia. Okonko tuhun India toi Pakistan zioho.

Nung otopot iti, dadi okonko mantad Yunnan o tuhun Kadazan.

Tuhun Mamasok Sandad Pogun id Taiwan
Kivaa nogi ii moboos do mantad i doid Pulou Taiwan o komohoingan do tuhun Kadazan, ka. Nga kivaa nogi do teori / panantaman (theory) do ii nopo vookon tinimungan ii minundahiu izonon mantad Yunnan nga nokodimpot doid Taiwan. Iso nopo tuhun mamasok doid Taiwan nga Alisan. Koiho zioho do moginggat zioho, kibasaan koubasanan miipiaga do doun Kadazan, om sazau dioho miipiaga sazau do Kadazan.

Nunu ma ii otopot?
Dadi ingkuo dii mamalati do ahal diti? Otootopot naku do mantad Yunnan o komohoingan do tinau Kadazan?

Ingkuo nung mantad Pulou Borneo do tuminongkop o tuhun kumaa doid kinoizonon do suvai?


Video id Kadazan kokomoi nontodonon Kadazan

Check out information on Kadazan early history (in English).




Disclaimer
Privacy Policy

To Home Page