Komohoingan Tinau Kadazan:
Mantad Nomboo Zioho?


Muot ko dati mantad nomboo haid o komohoingan Tinau Kadazan. Ti-uot diti avasi toomod. Ingkaa no potitikid tinau tuhun id vinoun. Au tumood zioho do mongiho do susuzan do tuhun dioho sondii. Ingkaa nogi o tinau Kadazan.

Mantad Yunnan toi Mongolia
Kivaa vookon mononoizuk do moboos do mantad Yunnan o komohoingan tinau Kadazan. Ponong kabaatan do Pogun Sina o Yunnan. Ogumu tuhun doiho do moboos om mamaamasi do miipiaga do Kadazan, ka. Miipiaga nogi o basaan dioho.

(Nosoizuk itii maza do nunu kivaa id youtube nga au agazo piagahan. Sabap dati do ahaid no timpu nakatahib do okudi dii ii miipiaga.)

Kivaa noigi tuhun tangabaa moboos do mantad Pogun Mongolia o komohoingan tinau Kadazan. Poingonit do Pogun Sina o Pogun Mongolia. Koiho ko dati do huguan guuguhu do Mongol miaga di Genghis Khan toi Kublai Khan. Okonko do tuhun mantad ponong India-Pakistan o tina-u diti nga mantad Mongolia.

Nakavazah o komohoingan tinau Kadazan diti do Taiwan, ka vagu do vookon do tuhun ngaavi diti. Tou nung otopot iti! Nga, ka vagu dioho do poposoto, kivaa do tuhun mamasok id Pogun Taiwan ii kibasaan koubasanan om kiula pogiigizon miaga doun Kadazan. Om kivaa nogi do boos di kopiaga miaga do "tasu." Koiho zioho do moginggat, ka vagu dioho.

Kivaa vagu ii moboos do minaza' do Thailand, ka. Mogisuvai-suvai noopo o susuzan toi panantaman.

Otopot toi au iti, apatut do maan kozo soizuko. Tumanud do kivaa ganbal video id youtube, kivaa tinimungan mantad do mamasok do Taiwan do kisazau do miipiaga do sazau do Kadazan.

Poingamung o tinau tuhun mamasok diti id tinimungan tagazo tuhun pungaanan do "Austronesian".


Mantad Kabaatan Kohisaon Asia (South East Asia) Komohoingan Tinau Kadazan

Napadan ngoibu toun di poguhu (7,000 - 15,000 toun), nakaahom o vaig daat sabap no do nahanak o ais tu huminasu vagu do kumoinduvo o tongus pohiihiput pomogunan (end of Second Ice Age). Poguhu diti, ogumu tinimungan tuhun minundahiu izonon (migrate).

Vookon dioho pinakaazan ponong kabaatan (southwards-bound), vookon pinakaazan ponong koibutan (northwards-bound).

Sabap no do mundahiu izonon ("migration") diti (sumangkat tinimungan tuhun), do ahaid nodii kozo do kivaa mogiigizon id Kabaatan Kohisaon Asia (South East Asia). Mantad no diti kivaa di teori (toi tantaman) do ii nopo mogiigizon ngaavi id kinoizonon toi pogun ii pohiihiput do Kabaatan Kohisaon Asia (South East Asia) nga mantad ii do kinoizonon Kabaatan Kohisaon Asia (Pogun Sina, Mongolia.)

Nga kivaa tantaman kavavagu (Out-of-South East Asia theory) ii nounsuban do koponoizukan kavavagu (Leeds University, 2008) do okon nodii do mantad Pogun Taiwan o komohoingan do Kadazan. Mantad diti do ii nopo tuhun ngaavi id Taiwan om vookon kinoizonon ii kivaa mogiigizon do miipiaga tuhun Kadazan nga mantad ii do Pulou Borneo.

Id Koibutan Pulou Borneo Poingizon o Tinau Kadazan
Ogumu o tuhun Kadazan poingizon id Sabah. Pungaanan haid do tuhun Bolitis o Sabah do North Borneo toi Koibutan Borneo.

Sundung potuu do aiso nokosuat kokomoi do susuzan do komohoingan tinau Kadazan ii katahib do atus toun (100 years), okonko komozon diti do okonko tuhun mamasok id kinoizonon diti o komohoingan dioho di natusan ngoibu no hinaid. Doiti no haid zioho di mantad di didii ii (ahaid no kozo. From time immemorial). Doiti no o Kadazan do mogiigizon sogiigisom umulan do pomogunan.

Pingsingihaai (ihoon) no susuzan do komohoingan Tinau Kadazan.

Click here for more information (Kadazan Language)



Definition

ahaid, lengthy
boos, words. Language

dati, maybe
diti, this

dioho, theirs

hinominon,hamin, home, house

iti, this

Kadazan, The largest grouping of native people (Momogun) of Sabah, Malaysia
mantad, from
kohisaon, east
Noibutan, North
koiho, know
komohoingan, ancestors
kinoizonon, place, locality

mamasok, native
miipiaga, looks almost the same. looks similar
miaga, similar. alike
moboos, speak. say

natusan, in the hundreds
nga, but
ngaavi, all. Denotes the "plural". E.g. Kazu ngaavi. Trees.
nogi, also. too
nomboo, where


ogumu, many, plentiful, much
okonko, not

osikap, early
otopot, true

pinakaazan, destination, headed for
pogun, country
pohiihiput, surrounding
poingizon, staying
ponong, in the direction of

Sabah, The new name for North Borneo after independence
Sabap, Reason
Sina, Chinese
susuzan, story, narrative

Tinau, Race
toi, or
toun, year
tuhun, person, people

vagu, new, again
vookon, some of

zioho, they






Susuzan Kadazan id Boos Kadazan
Disclaimer
Privacy Policy

Kadazan Early History


To Home Page