Kadazan Mogium Kointutunan:
Ka Di Isai do "AU' "?




Aiso do saasabap do au tinau Kadazan mogium kointutunan. Iisai nopo tinau id vinoun hangadon do ointutunan sabaagi do iso mantad di tinau ngaavi. (There is no reason why Kadazans do not care about preserving their identity.)

Ingkaa nogi o tinau Kadazan. Kivaa kohizaban dioho do oihaan do vinoun do kivaa do tuhun Kadazan. Kihizab zioho do otoimo do iso tinau id pogun om id pomogunan.

Kaantob do Kopogiuman do Kointutunan
Agazo o hizab. Ahasu ginavo montok tuhun sondii. Nga ogumu kaantob do Kadazan id tindahanon dioho do muzu dumimpot do tudduvon diti.

Iti no vookon dii kaantob do Kadazan mogium kointutunan, iso tuddu di avasi kozo.

  1. Oukot lahan do dumimpot doid piisaan. Omungkang piisaan, au odimpot tuddu.
  2. Misuvai nunu ii kagazat do ginavo. I tongotuutuo suvai. I nosukod suvai. I komuhakan suvai. Om i tangaanak suvai.
  3. Polisi om kootulan do kopolintaan au popointutun do kivaa tinau ii pungaanan do Kadazan id pogun diti. Tohu no tinau ii poinsuat do kivaa doid Pogun Malaysia, Malazu, Sina om Indian. Tinau Kadazan om suvai po miaga do Iban nimaan sompuuvo id siibo do "Suvai."
  4. Huguan Kadazan om Koisaan ngaavi id nombo do poimpuu o Kadazan au kaanu toi au pointounda do poposoto do kivaa tinau Kadazan id pogun diti. Ogumu dati o kaantob dioho do momodimpot do tuddu diti. Iso nopo dati do au pointounda nga au po noko-ium do stratoji (strategy) do mikot doid nunu ii iman-imanon diti. Kivaa nogi koosizan dioho do suvai. Ihoo daa iti do taahom-ahom.
  5. Nunu nopo ii papanaon ngaavi ii kogompit do tinau Kadazan nga au kopipahud do mamanau do mikot doid iso tudduvon. (common goal)
  6. Aampavong do tudduvon do suvai tu ogumu ii hobi kagazat do asamaanan id vinoun ii au tumood do mimang ohon.
  7. Aambanan do kolooloizan om ula-ula ii nokotungkus mantad komohoingan. Siou no, nga iso nopo diti nga mingavuk aiso padaamaan, komozon aiso kalamazan nga mogium sabap mooi do kopoginum.

(Komi: Au kahasa do tumiim, moginum nunu ii kaavuk nga au daa oindamaan, au katahib do gontob do minum, timpu om kousinan.)


Ingkuo dii Kaanu Kadazan Mogium Kointutunan?


Maai poboogizo' maza' Twitter


Hizab diti au aanu momogimpot id timpu tonibo. Momoguno iti do timpu tana-u. Hobi mantad diho, momoguno iti do pomusaavan topulokis. Tuhun topulokis do mamadadi ngaavi dii do aantakan.

Poguhu dioho, kivaa ti-uot do: "Kaanu naku o tuhun Kadazan do miiso ginavo do popotimpuun ngaavi dii om do popotihombus ngaavi dii gisom do ahantoi ii tudduvon, gisom do agamu ii iman-imanon do tinau Kadazan?"

Nunu ii ISO tuddu ii mositi nopo do koovit kogumuan tuhun Kadazan do umampazat? Iisai Huguan ii kaanu mamagazat do pomusaavan do tuhun Kadazan, i tongotuutuo, i nosukod, komuhakan om tangaanak ngaavi?

Nunu ii kaanu mongipop do kopiipiumanan do au aanangan do vokon ii nokobubuuh? Hobi mantad diho nunu ii kaanu do monginsi papahabus om ongidu do pomusaavan om topiumanan ngaavi do miaga diho?

Nung aiso toingo-iso diho do au aanu do mimang, ingkuo dii tumimpuun o tinau Kadazan mogium kointutunan? Paganu no haang ii aanu nu do mimang, tumimpuun mantad di ouhan.


Click HERE for a Kadazan Language version of this article.




Disclaimer
Privacy Policy

To Home Page